Ish-mbrojtësi i Interit, Lucio në një intervistë të fundit ka ndarë keqardhjen e tij për vendimin që mori teksa la zikaltërit për tu bashkuar me Juventusin.
Braziliani ishte një nga heronjtë e Interit në tripletën e fituar në sezonin 2008-2009. Pas sukseseve me skuadrën Milaneze ai vendosi të largohej për tu bashkuar me bardhezinjtë në vitin 2012, një vendim ky që sipas mbrojtësit ishte i gabuar.
Në intervistën për “Gazzetta dello Sport”, ai ka deklaruar:
“Në vitin 2012 gjithçka kishte ndryshuar. Erdhi një trajner i ri, Stramaccioni, i cili më tha të qëndroja, por kjo nuk ishte ajo që donte klubi. Në fakt, çdo 10 minuta, Branca më thirrte dhe më thoshte të gjeja ekip. Nuk ishte e lehtë, pasi kisha dhënë gjithçka me Interin. Nuk pata asnjë ofertë të fortë, ditën e fundit të merkatos nuk pata mundësi të tjera. Menaxheri im më tha të shkoja te Juventusi, por ishte një vendim i keq”.
“Nëse do të kthehesha pas në kohë, do të shkoja diku tjetër, te një klub ku do të mund të luaja më shumë”.- ka thënë 41-vjeçari.
