Ndeshja mes Vllaznisë dhe Tiranës luhet në orën 18:00 në stadiumin “Loro Boriçi”.
Trajnerët e të dyja skuadrave kanë publikuar dhe formacionet me të cilat do të tentojnë të fitojnë këtë ndeshje.
Për Vllazninë rikthehet titullar Shtubina, i cili do të luajë pas sulmuesit Silvio Junior. Gurishta këtë herë do të luajë si mesfushor i djathtë, kurse në qendër Hygor e Ramadani ndërsa mbrojtja nuk ndryshon për shkodranët nga ajo e ndeshjes së fundit.
Nga ana tjetër Egbo ka bërë sërish ndryshime teksa rikthehet Hoxhallari në krahun e majtë të prapavijës. Nigeriani i beson eksperiencës së tij para të riut Ismajlgeci. Pjesa tjetër e formacionit është ajo që luajti kundër Teutës në kryeqytet.
Vllaznia: Sherri, Gligorov, Adili, Malota, Marku, Gurishta, Ramadani, Hygor, Lika, Shtubina, Silvio Junior.
Tirana: Lika, Doka, Muça, Vangjeli, Hoxhallari, Batha, Çelhaka, Torassa, Cobbinah, Cale, Ngoo.
