Shtohet numri i të prekurve nga koronavirusi. Të paktën 61 persona të infektuar me virusin vdekjeprurës janë bllokuar në një anije në Japoni. Mësohet se anija e quajtur “Diamond Princess” është e ankoruar në Yokohama, pranë Tokyos, me një staf prej 1045 personash dhe 2666 pasagjerësh.
Mediat e huaja raportojnë se në bordin e saj ndodhen dhe 428 shtetas amerikanë, të cilët aktualisht do të mbahen në karantinë për 14 ditë.
Po ashtu bëhet e ditur se dhe 2 anije të tjera në Azi po përjetojnë të njëjtën situatë. Njëra prej tyre është ankoruar në Hong Kong, ndërsa anija tjetër ndodhet në detin e Kinës Lindore.
