Ish-kreu i Grupit të LSI-së, Petrit Vasili ka reaguar pas intervistës së kryeministrit Rama të dhënë për AFP, në të cilën thekson se “Shqipëria nuk do të qëndroje në derën e Europës dhe të qajë që ajo të hapet”.
Por, Vasili në reagimin e tij, thekson se Rama është arrogant dhe agresiv ndaj Europës, por pasojat e kësaj sjelle sipas tij i vuajnë shqiptarët.
“Edi qesh dhe nuk qan, por harron qe qesh mire kush qesh i fundit…..!
“Shqipëria nuk do të qëndrojë në derën e Europës dhe të qajë që ajo të hapet”, deklaroi Edi Rama për AFP. Po është e vërtete, Edi ja ka dale ta lere Shqipërinë jashtë Europes, ky është “suksesi” me i madh i tij. Arrogant, vulgar dhe agresiv ndaj Europes ai ja ka dale te jete i neveritshëm me Europianet dhe pasojat i vuajnë shqiptaret. Sjellja e Edit me europianet nuk është rastësi, nuk është psikopati, por është strategji e tij pre krijuar alibinë e Shqipërisë drejt Lindjes sepse gjoja Perëndimi nuk e do Shqipërinë.
Kjo strategji e lige këmbëngulëse Anti BE është gatuar larg…ne Lindje dhe Edi është produkt dhe shërbëtor i saj.
Sot Edi qesh sepse strategjia e Lindjes ka fituar. Por Shqiptaret shohin vetëm nga perëndimi. Shqiptaret janë te përjetshëm. Edi është shume i përkohshëm gati i ikur…. Shqipëria drejt perëndimit është rruge pa kthim.
Qesh Edi sot, por duhet te mos harroje se qesh mire kush qesh i fundit….por atëherë Edi do te qaje shume dhe do te jete fare vetëm….”, thekson Vasili.
