“Ne nuk do të qëndrojmë te dera e Evropës dhe të qajmë” Pas kësaj deklarate të kryeministrit Rama për AFP ka ardhur dhe një reagim nga ana e Partisë Demokratike.
Ish-deputeti Genc Pollo deklaron se Rama në vend që të thotë “do të përmbushim kushtet e Bundestagut apo do çojë për ndjekje penale vjedhësit e votave” bën të fortin.
Sipas tij, kjo deklaratë nga kreu i qeverisë e vështirëson edhe më shumë integrimin e Shqipërisë
Reagimi i Genc Pollos:
Fare mirë mund të kishte thënë se “do të përmbush kushtet e Bundestagut si p.sh do të bëj zgjedhje parlamentare mbas miratimit të reformës zgjedhore; do të çoj për ndjekje penale ofiqarë rilindistë që kanë vjedhur votata etj, etj. Jo vetëm se i shërbejnë vendit por edhe se çelin portën e Bashkimit Europian”.
Nuk e thotë këtë por bën të fortin.
Mbas përfshirjes së qeverisë në korrupsion të lartë e krim të organizuar arroganca me ” nuk qaj tek dera jote” e vështirëson më tej integrimin europian të Shqipërisë” GP
