Stefano Sorrentino vitin e kaluar ishte portieri titullar i Kievos. Në një ndeshje që Kievo luajti ndaj Juventusit, portieri i priti penalltinë Cristiano Ronaldos dhe aktualisht është portieri i fundit që ka bërë një gjë të tillë.
Gjithsesi disa ditë më parë 40-vjeçari deklaroi tërheqjen nga futbolli por këtë premtim nuk e ka mbajtur pasi ka vendosur t’i rikthehet futbollit të luajtur në ligat inferiore dhe kësaj radhe…si sulmues.
Kështu portieri historik i Kievos, Stefano Sorrentino rinis aventurën e re nga kategoria e dytë, si sulmues me Cervon, që për çudi është në pronësinë e një shqiptari, ndërsa trajner i skuadrës është babai i ish-portierit.
“E bëra gjithçka për argëtim dhe për t’i bërë qejfin një mikut tim Denis Muça, biznesmen me origjinë shqiptare, i cili është president dhe sponsori kryesor i Cervos. Ne u takuam, folëm dhe në fund të gushtit riorganizuam një formacion eksperimental që sot po jep frytet e tij”, sqaron trajneri Roberto Sorrentin, i cili tashëm ka kthyer në sulmues dhe djalin e tij ish portier.
