Një tërmet i fuqishëm ka goditur sërish Filipinet. Sipas EMSC, tërmeti ka qenë me magnitudë 6.0, ndërsa epiqendra e tij ka qenë në ishujt Mindanao.
Vatra e tërmetit ka qenë në thellësinë 10 km, ndërsa deri më tani nuk ka raportime për të lënduar apo për dëme materiale.
Raportohet se lëkundjet, të cilat janë regjistruar rreth orës 14:40, janë ndjerë edhe në Indonezi.
Kujtojmë këtu që prej muajit shtator, Filipinet janë goditur nga disa tërmete të fuqishëm me mangnitudë mbi 6 të shkallës Rihter.
Më i fundit ishte i 15 dhjetorit të vitit që lamë pas, me magnitudë 6.8 sipas shkallës Rihter, i cili u mori jetën 13 personave.
Në muajin nëntor Filipinet u goditën nga një tërmet 5.9, në tetor nga dy tërmete me magnitudë 6.3 dhe 6.5.
Po ashtu, në muajin shtator një tjetër tërmet me magnitudë 6.3 goditi këtë shtet.
