Sindikatave e Policisë kërkon shkarkimin e Ardi Veliut nga pozicioni i Drejtorit të Policisë së Shtetit. Në një dalje për mediat, pas seancës dëgjimore të Vettingut, kreu i sindikatës, Sadetin Fishta tha se Veliu ka shkelur ligjin.
“Që kur Veliu është emëruar Drejtor i Përgjithshëm, marrëdhëniet i ka pasur në nivelet zero.
Edhe në sqarimet që i dha komisionit lidhur me ankesën e sindikatës ai u shpreh se ligji parashikon që të ketë shumë sindikata. Kjo nuk e ka ndaluar drejtorin që marrëdhëniet me sindikatën ti ndërtojë sipas marrëveshjes që është në fuqi.
Ai nuk e ka njohur këtë marrëveshje. Shkelja e ligjit është sepse ka larguar edhe drejtues sindikate nga detyra, ka emëruar në kundërshtim me ligjin edhe drejtues që nuk i përputhet vendi i punës me gradat që ka dhe nuk ka zbatuar vendimet e gjykatave, që ai i ka detyrim ligjor.
Për mendimin tonë drejtori nuk ka dhënë ndonjë kontribut për ta çuar këtë organizatë në nivelin që duhet”, tha Fishta.
