Klubet e Premier League kanë votuar në favor të rikthimit të afatit të vjetër kalimtar veror nga sezoni i ri 2020/21, ngjashëm si në ligat e tjera evropiane.
Kjo nënkupton se afati i transferimeve i merkatos së verës do të mbyllet më 1 shtator në orën 17:00 për klubet e Premier Leagues.
Nga viti 2017 deri më tani, afati kalimtar i verës në Premier league mbyllej një ditë para se të niste sezoni i ri, pra rreth 3 javë më herët se në Ligat e tjera europiane.
Kjo ishte kundërshtuar nga trajnerët e klubeve të ligës elitare angleze, të cilët ankoheshin se klubet evropiane kishin përparësi karshi atyre angleze duke qenë se kishin më shumë kohë për të blerë lojtarë.
