Kupa e Mbretit rikthehet të luhet ditën e sotme pasi Real Madrid dhe Barcelona luajnë respektivisht kundër Real Sociedad dhe Athletico Bilbao.
“Los Blancos” përballen për herë të dytë kundër Sociedad këtë sezon, ndërsa ndeshja e parë e vlefshme për La Ligën përfundoi 3-1 në favor të Realit. Skuadra e Zinedine Zidane vijnë pas një ecurie shumë pozitive duke kryesuar dhe kampionatin.
Nga ana tjetër Sociedadi pas një nisje të fortë të sezonit, kohët e fundit kanë pasur probleme, tani renditeten në vendin e tetë në La Liga.
Për sa i përket Kupës së Mbretit, Sociedadi do të jetë kundërshtari më i fortë për Realin, pasi më parë mbretërorët kanë mundur skuadra që militonin në kategorinë e dytë dhe të tretë të Spanjës.
Barcelona nga ana tjetër luan në transfertë kundër Athletico Bilbao. “Blaugranasit” aktualisht po përballen me paqartësi në fushën e lojës dhe jashtë saj. Setien i cili zëvendësoi në stolin drejtues Ernesto Valverden po has vështirësi në transmetimin e filozofisë së tij te klubi, pasi së fundmi është kritikuar për lojën e ekipit.
