Në 22 javë nga ky sezon i Serisë A, është rritur në 11 numri i trajnerëve të shkarkuar nga detyra. Me një llogari të thjeshtë, i bie që çdo dy javë të ndryshojë një skuadër të ndryshojë pankinë.
Vetëm dy ditët e fundit Torino dhe Brescia larguan trajnerët e tyre, duke afruar Serie A me rekordin e regjistruar në sezonin 2011/2012 kur gjatë kampionatit u ndryshuan 18 trajnerë.
Nga Milan te Fiorentina, Roma, por edhe skuadrat e tjera më të vogla, të gjitha kanë zëvendësuar stafin teknik. Në këtë “disiplinë”, Serie A kalon të gjitha Ligat e tjera të rëndësishme të Europës.
Në vendin e dytë renditet Premier League, që ka larguar nëntë trajnerë deri në këtë pikë të sezonit, ndërsa treshja e parë plotësohet me Bundesligën gjermane ku skuadrat kanë ndryshuar pankinat tetë herë.
