Khabib Nurmagomedov është një nga boksierët më të suksesshëm aktualisht në MMA.
Njeriu që i ka shkaktuar humbjen më të rëndë Conor McGregor-it, nuk është i interesuar për tu ndeshur sërish me Irlandezin. Luftëtari i lindur në Dagestan e ofendoi rëndë rivalin e tij McGregor, pasi presidenti i UFC-së, Dana White, i propozoi plot 100 milionë dollarë për duelin e revanshit: “Do të më jepni 100 milionë dollarë për të rrahur përsëri atë idiot?! Unë nuk mendoj se është racionale.”
Nurmagomedov nuk është i motivuar nga paratë dhe tha se, nëse UFC ishte e gatshme t’i paguante atij këtë shumë, do të ishte më mirë që ta jepnin për bamirësi.
“Jam i habitur që njerëzit më kërkojnë të ndeshem me të. I bëra çfarë desha, madje e detyrova që të dorëzohej. Si mund të flitet përsëri për një ndeshje tjetër? Të gjithë e panë se çfarë ndodhi në oktogon. E kontrollove luftimin në çdo hap. Tani po flasim për vazhdimin e festës dhe si të fitojmë sa më shumë para.”
Në takimin e parë mes Khabib dhe McGregor u arritën shifra të mëdha shikueshmërie dhe të ardhurat arritën kuota rekord.
