Aksidenti i tretë është regjistruar këtë mbrëmje në Durrës, në zonën e kënetës. Sipas informacioneve paraprake, një automjet ka dalë nga rruga duke u përplasur me pemën. Bruime për mediat bëjnë me dije se dy persona janë plagosur.
Identitetet e tyre ende nuk bëhen me dije por mësohet se janë traposrtuar me ambulancë drejt spitalit për të marrë ndihmë mjekësore. Ende nuk ka një njoftim zyrtar nga policia.
***
Kujtojmë se një aksident me pasojë vdekjen e një gruaje ndodhi këtë mbrëmje në afërsi të mbikalimit të Shkozetit. Gruaja, identiteti i të cilës ende nuk bëhet me dije mësohet se u aksidentua nga një mjet i tonazhit të rëndë. Për një kohë të gjatë trupi i viktimës ka qëndruar i shtrirë në rrugë, ndërsa policia është paraqitur vonë në vendngjarje, bëjnë me dije dëshmitarë okulare.
Një tjetër aksident me pasojë plagosjen e dy personave ndodhi në Vlorë. Një automjet i ka prerë rrugën motorit i cili raportohet se ishte me shpejtësi tej normave të lejuara.
LEXO EDHE:
Këmbësori përplaset për vdekje tek mbikalimi i Shkozetit (FOTO)
Tjetër aksident i rëndë, dy persona mbeten pa ndjenja në Vlorë
