Komiteti i Ministrave ka rënë dakord të hartojë një listë kontrolli që synon të sigurojë që fituesit e zgjedhjeve të mbështesin praktikat demokratike.
Lista e kontrollit – e përpiluar nga Komisioni i Venecias, grupi kushtetues i ekspertëve i Këshillit të Evropës – u jep udhëzime qeverive se si të mirëmbajnë kontrollet dhe ekuilibrat e demokracisë, pavarësisht se çfarë lloj sistemi përdoret në atë vend.
Ky vendim pason një paralajmërim nga Komisioni i Venecias, se disa qeveri, për të fituar pushtetin në një zgjedhje, po përpiqen të çmontojnë masat mbrojtëse demokratike, duke nxituar përmes ligjeve pa debat të mirëfilltë politik, dhe largimin e gjyqtarëve dhe zyrtarëve të pavarur për të bërë emërimet e tyre.
Pas këtij lajmi ka reaguar Presidenti Ilir Meta. “Një angazhim që duhet mbështetur nga të gjithë që të parandalohet degradimi i standardeve demokratike të qeverisjes dhe shtetit të së drejtës”, shkruan Meta në reagimin e tij.
Prej disa muajsh, Presidenti është në një situatë përplasjeje institucionale me mazhorancën dhe institucionet e drejtuara prej saj.
Kuvendi i Shqipërisë ka nisur dhe një hetim parlamentar për të pas dekretit të tij për anulimin e zgjedhjeve të 30 qershorit si dhe procedurave për përzgjedhjen e anëtarëve të Gjykatës Kushtetuese.
