Linda Jarani është bërë e njohur me pjesëmarrjen e saj në serialin “O sa mirë”. Një nga rolet në të cilat ajo ka spikatur ka qenë edhe në shfaqjen “ Boeing-Boeing” ku merr pjesë gjithashtu edhe Rudina Dembacaj e Gentian Zenelaj.
Linda e ftuar në emionin “Vizioni i Pasdites” deklaroi për herë të parë se nuk është më pjesë e kastit, duke lënë të nënkuptohen mosmarrëveshjet që mund të kenë ndodhur mes aktorëve.
“Në përgjithësi mendoj që kam pak fat, sepse e fillova me “O sa mire”, që u bë shumë i famshëm. Fillova me shfaqje teatrore që mua më ndihmuan shumë profesionalisht. Pastaj vazhdoj me “Boeing” që është një shfaqje shumë e suksesshme dhe po arrin rekorde. Per arsye te ndryshme nuk dua t’i diskutoj, janë muhabete mes grupit dhe nuk dua ta diskutoj këtë gjë. Nuk jam më pjesë e “Boeing”, por jam shumë e lumtur që ka shumë ndikim tek publiku dhe po i kënaq ato. Ka përfunduar dhe jam shumë e lumtur, ndihem shumë mirë tani. Kemi bërë 96 shfaqje deri më tani”, -ka thënë Linda.
Linda Jarani do të jetë në rolin e Nexhimje Hoxhës, në një film të ri, por filmi nuk i kushtohet ish- diktatorit. Bëhet fjalë për një projekt tjetër. Gjithçka tjetër mbi këtë projekt mbetet për t’u parë në ditët në vijim.
