Interesimi i Real Madrid për Kylian Mbappe-n, është diçka e bërë e ditur prej kohësh.
Por tani sipas “Mundo Deportivo”, Los Blancos kërkojnë me çdo kusht që të sigurojnë shërbimet e francezit në merkaton e verës, teksa po përgatisin një ofertë prej 270 milionë eurosh.
Reali kërkon të përfitojë dhe nga situata e krijuar mes trajnerit Tuchel dhe 21-vjeçarit, teksa shkëmbyen fjalë në momentin e zëvendësimit të lojtarit.
Pas ndeshjes Tuchel deklaroi se vetëm ai i merr vendimet në klub dhe se lojtarët duhet të respektojnë vendimet e tij, ndërsa nuk dihet nëse do të marrë ndonjë masë ndëshkuese për Mbappen.
Kjo situatë, e ka lënë të pakënaqur Mbappe-n, që sipas mediave spanjolle e ka rritur dëshirën e tij për të lënë Parisin për Madridin.
