“Krimi të ka tredhur prej kohësh”. Kështu shkruan në një postim në rrjet nënkryetari i PD-së, Edi Paloka, duke iu drejtuar Kryeministrit Edi Rama, pas nisjes së operacionit anti-KÇK. Paloka shkruan se ndërsa Rama bën arrogantin me qytetarët e thjeshtë, krimi e ka tredhur prej kohësh.
“Ky ishte bllofi i rradhës i një kllouni Kryeministër që nuk di çfarë të sajojë tani që i ka dalë boja pas 7 vitesh mashtrimi e shkatërrimi”, vijon postimin e tij Paloka.
Nënkryetari i PD-së ka reaguar pas deklaratave zyrtare të OFL-së se i ka lënë 48 orë kohë Lulzim Berishës dhe Ardian Çapjas për plotësimin e formularit mbi pasuritë e tyre, ndërsa avokati dhe familjarë të të “fortit” të Durrësit mohuan që të kishin marrë ndodnjë njoftim.
“Mania për të bërë show dhe vetëm show me gjithshka, i ka bërë më qesharak se kurrë.
Këtë operacionin e tmerrshëm qe do ju kallte datën kriminelëve e kanë kthyer në një shfaqje që nuk arrin as nivelin dhe vulgaritetin e kllounëve të një cirku province.
Dje u sulën me makina të blinduara, armatim të rëndë e antiplumb; rrethuan një resort ku e dinin shumë mirë qe nuk kishte këmbë njeriu se të gjithë pjesëtarët e familjes ose i kanë arrestuar pak ditë më parë ose janë në arrati.
Do vinin nën sekuestro një prone që siç rezultoi më pas ishte nën sekuestro nga prokuroria prej kohësh…
Ndërkohë që aktoret e pompave, me maska dhe syze të zeza ( moda e fundit), po kryenin operacionin tejet “të rrezikshëm”, mu përpara tyre, pak metra larg derës së resortit, një femër me uniformë ( e sigurisht me syze te zeza) po “rrezikonte kokën” duke bërë prova përpara kameras me deklaratën që i kishin dhënë të lexonte.
Pasi rregulloi flokët dhe syzet, ju tha atyre që po e filmonin “e përsërisim dhe një herë se nuk dola mirë me duket…”, shkruan Paloka në rrjet, duke ironizuar show e dhuruar dje nga Shijaku.
