ISIS ka marrë përgjegjësi për sulmin me thikë në Londër, njoftoi sot agjencia e lajmeve të këtij grupi Amaq.
“Sulmuesi në lagjen Streatham në jug të Londrës është një luftëtar i ISIS-it që i është përgjigjur thirrjes sonë për të sulmuar qytetarët e vendeve të koalicionit”, thuhet në deklaratë.
20-vjeçari Sudesh Amman u qëllua për vdekje nga policia pasi goditi me thikë njerëz në një rrugë të frekuentuar në Londër mbrëmjen e kaluar.
Autori u burgos në vitin 2018 për veprimtari terroriste dhe u la i lirë pasi vuante gjysmën e dënimit të tij me tri vjet burg.
Kur policia kontrolloi kompjuterin dhe celularin e tij, ata zbuluan se ai ishte duke shkarkuar materiale për të bërë pajisje eksplozive dhe kryerjen e sulmeve terroriste, thanë prokurorët.
Në dhjetor 2017, Aman lëshoi një foto të liderit të Shtetit Islamik Abu Bakr al-Baghdadi, i cili u vra në tetor gjatë një sulmi nga forcat amerikane në Siri, dhe i dërgoi një mesazh vëllait të tij duke thënë se “Shteti Islamik është këtu për të qëndruar”.
LEXO EDHE:
“Sulm terrorist” në Londër, burri qëllon me thikë njerëzit në rrugë (FOTO+VIDEO)
Detaje nga sulmi terrorist në Londër/ Agresori sulmoi me hanxhar kalimtarët, 3 të plagosur
Sapo kishte dalë nga burgu, kush është terroristi i vrarë sot në Londër (FOTO)
