22 aplikantë për garën e drejtuesit të Byrosë Kombëtare të Hetimit (BKH) janë skualifikuar pas shqyrtimit paraprak nga Komisioni i Përzgjedhjes duke mbetur vetëm 18 kandidatë të cilët do të vazhdojnë ende në garë.
18 kandidatët e kualifikuar për të vazhduar më tej fazat e përzgjedhjes janë si më poshtë:
1. Adriatik Ago – Zv/drejtor i Përgjithshëm i SHÇBA
2. Agim Ismaili – Drejtori i Përgjithshëm i Burgjeve
3. Aida Veizaj – Ish-Drejtuese e Departamentit për Kufirin dhe Migracionin, Zëvendësdrejtor i Përgjithshëm i Policisë së Shtetit, në Drejtorinë e Përgjithshme të Policisë së Shtetit
4. Ardian Çipa – Ish-zv/drejtori i Përgjithshëm i Policisë së Shtetit
5. Artan Pjetërnikaj – Ish-drejtues Policie
6. Artan Shkëmbi – Drejtues i Tas-Forcës “Forca e ligjit” në Policinë e Shtetit
7. Artur Beu – Zyrtar i Interpolit
8. Atnan Shehu – Funksionar policie, ka mbajtur poste të ndryshme
9. Blerina Bajollari – Kryekomisare, funksionare policie
10. Eduart Merkaj – Drejtori i Departamentit të Kufirit dhe Migracionit
11. Endrit Hoxha –
12. Ervin Hodaj – Ish-drejtor i Policisë Tiranë
13. Gentian Hilla – Funksionar Policie
14. Gentjan Shehaj – Ish drejtuesi i Policisë së Vlorës
15. Idajet Faskaj – Zyrtar i lartë i Policisë
16. Lindita Nushi – Ish-drejtore e kufirit Durrës
17. Pëllumb Seferi – Ish-shef i Interpolit
18. Ylli Pjetërnikaj – Prokurori i komanduar në Tiranë, ish-drejtues i komanduar i Prokurorisë Shkodër
Komisioni i vlerësoi kandidatët në lidhje me plotësimin e kritereve ligjore bazë të parashikuara në Nenin 34 të Ligjit Nr.95/2016 “Për Organizimin dhe Funksionimin e Institucioneve për Luftuar Korrupsionin dhe Krimin e Organizuar ”, si më poshtë:
- Kandidati për Drejtor i Byrosë Kombëtare të Hetimit mund të jetë personi që ka vetëm
shtetësi shqiptare, që gëzon cilësi të larta profesionale dhe morale, dhe që plotëson këto
kritere:
a) ka përfunduar ciklin e dytë të studimeve universitare për drejtësi me diplomë të barasvlershme me “Master i shkencave”, ose arsimin e lartë policor;
b) ka eksperiencë pune si prokuror, punonjës i Policisë së Shtetit apo Policisë Gjyqësore ose hetues i Byrosë Kombëtare të Hetimit;
c) ka përvojë pune të paktën 5 vjet në çështje që kanë të bëjnë me veprat penale në fushën e korrupsionit, krimit të organizuar apo krimeve të rënda;
ç) nëse ka qenë apo është punonjës i Policisë së Shtetit, të ketë mbajtur për jo më pak se 3 vjet gradën “Komisar”, “Kryekomisar”, “Drejtues” apo “Drejtues i Parë”;
- si edhe të ketë dërguar deklaratat për dhënien e pëlqimit të tij dhe të anëtarëve të afërt të familjes për heqjen e dorë nga privatësia (dhënien e pëlqimit për kontroll periodik të llogarive bankare dhe telekomunikimeve vetjake).
Kandidatët e përzgjedhur do të vazhdojnë konkurimin me fazat e tjera të përzgjedhjes.
