Pavarësisht kontrolleve të vazhdueshme dhe aksioneve të herëpashershme, Policia Rrgore në Tiranë duket se s’po arrin të ndalojë garat e shpejtësisë që zhvillohen në orët e natës në Unazën e Madhe në Tiranë.
Që nga zona e kopshtit Zoologjik e deri tek rreth-rrotullimi në TEG, sërish kanë vazhduar garat e të rinjve me makina.
“Unaza e madhe, një nga akset rrugore të cilësuar si njollë e zezë nga Policia Rrugore për shkak të shpejtësive vrastare për jetën, apo si pistë për gara makinash, po kthehet ne nje segment normal dhe me siguri.
Plot 300 minuta, kontroll me Radar për të parandaluar aksidentet qe vijnë si rezultat i shpejtësive mbi normat e lejuara, u evidentuan vetëm dy raste, 135 e 137 km/h’, thotë policia me një postim në rrjet.
Pas shumë muajsh kontrolle, policia ka arritur vetëm të reduktojë shpejtësinë e lëvizjes së automjeteve me 3-5 km në orë.
