RAI3 ka vijuar të transmetojë kronikat e përgatitura nga gazetari Valerio Kataldi, mbi krimin dhe lidhjet e tij në Shqipëri.
Në edicionin e orës 19:30 të së shtunës është raportuar kronika, e cila zbardh mekanizmin e përfitimit të një prone në bregdetin shqiptar nga një ish-gjeneral i Guardia di Finanza.
“Ky dokument është një akt pronësie, ku i dhurohet 30 mijë hektarë në një nga vendet më të bukura të bregdetit të Vlorës, një vend shumë i mrekullueshëm me turizëm gjithnjë e në rritje.
Ai që përfiton nga kjo dhuratë është një fondacion i lindur për të mbështetur shkëmbimet kulturore mes Shqipërisë e Italisë me emrin vëllezërve Luca M. Eftimiadhi e Marco M. Eftimiadhi që janë larguar nga Shqipëria e sot janë shtetas italianë.
President i këtij Fondacioni është Gjenerali i Guardia Di Finanza që pak kohë më parë ka dalë në pension. Gjëja e çuditshme është se dhuruesi është Artur Shehu, një narkotrafikant i njohur i lidhur me mafian Sacra Corona Unita, i kërkuar për vrasje në Shqipëri dhe që aktualisht ndodhet në Florida”, thuhet në kronikën e gazetarit italian.
“Artur Shehu është një person i hetuar nga Prokuroria e Leçes në vitin 2012 e i lidhur me italianin Prodentino Albino, një narkotrafik i njohur me të cilin kishte krijuar marrëdhënie për të riinvestuar parà dhe të Sacra Corona Unita në territorin shqiptar”, thotë prokurori i antimafias së Leçes.
Gazetari italian është vënë në kontakt telefonik dhe me Gjeneralin Lisi, aktualisht në pension, i cili ka shërbyer te Guadia di Finanza, duke qenë dhe Drejtor i Interpool e sot është president i Fondacionit që ka marrë si dhuratë nga narkotrafikanti Artur Shehu 30 mijë hektarë tokë në bregdetin e Vlorës.
‘Si është e mundur që në dokumentin e akt-dhurimit janë dy emra mjaft të njohur të botës së krimit, pyet gazetari. Po për Gjeneralin italian Lisi në atë kohë kur është bërë aktpronësia ata nuk figuronin të tillë.
Noteri ka verifikuar aktin, dhe ka konkluduar se asgjë nuk është bërë në mënyrë të paligjshme në atë terren. E nëse ka gjëra jo të qarta ne jemi pala e dëmtuar”, thotë ai.
Sipas gazetarit italian, familja e Artur Shehut figuron të jetë pronar i gjithë gjirit të Vlorës.
“Aktepronësie të falsifikuara që po shfaqen në disa gjykata, një histori kjo që meriton qartësi’, mbyllet materilai i TG3.