Krimi i rëndë që tronditi Xhafzotajn dhe mbarë opinionin publik në vend, ku bashkëshorti vrau me thikë bashkëshorten e tij, ka sjellë edhe revoltën e një aktoreje.
Bëhet fjalë për Egla Cenon, e cila shprehet se askush nuk ndihet më qelbësirë, inferior, agresiv, fëlliqësirë dhe i urryer se një burrë që nuk është burrë.
Aktorja i uron Lulzim Cukut, autorit të krimit në fjalë, të shkojë në ferr, pasi vrau bashkëshorten në prani të tre fëmijëve të mitur.
Postimi i Cenos:
Askush nuk ndihet më qelbësirë, inferior, agresiv, i padenjë, fëlliqësirë, i cënuar në nder, i tradhëtuar, i parespektuar, i pashërbyer dhe i urryer se një burrë që nuk është burrë! Të shkoftë shpirti në ferr për së gjalli! E të më ndjejë Zoti por nuk flas dot me qetësi për një kërmë të pa kallur që vret gruan si kaposh deti në banjo! Manjola 33 vjeç.
Kujtojmë që Cuku e ka vrarë bashkëshorten e tij Manjola Cuku për motive xhelozie. Në zonën ku jetonte çifti, 45 vjeçari cilësohej si një tip problematik dhe jo i qendrueshëm, ndërsa bashkëshortja krejtësisht e qetë.
Thuhet se marrëdhënia mes çiftit kishte rreth tre muaj që kishte pësuar krisje të forta, pasi autori dyshonte se viktima kishte një lidhje të dyfishtë.
