Durrësi është tronditur nga një ngjarje e rëndë. Një 45-vjeçar ka vrarë me thikë bashkëshorten e tij 33-vjeçe.
Ngjajrja e rëndë është regjistruar pak para mesnatës, rreth orës 23:55, në Xhafzotaj .
Burime zyrtare bëjnë me dije se shtetasi Lulzim Cuko 45 vjeç, banues në Xhafzotaj, në banesën e tij, ka qëlluar me mjet prerës thikë, bashkëshorten e tij shtetasen Manjola Cukon 33 vjeçe, e cila për pasojë ka ndërruar jetë.
Dyshohet se ata janë konfliktuar me njëri-tjetrin për arsye xhelozie, para se burri të kryejë aktin e rëndë.
Autori pasi ka kryer krimin është larguar nga banesa dhe në ndjekje të tij janë vënë shërbimet e Policisë.
Mësohet se çifti ka tre fëmijë, një djalë dhe dy vajza, të moshës dhjetë, shtatë vjeç dhe 2 vjeç. 45 -vjeçari shkonte herë pas here në Greqi, ku punonte si emigrant.
Materialet do ti kalojnë Prokurorisë për veprën penale “Vrasja për shkak të marrëdhënieve familjare”.
Lulzim Cuko
