Pas vështirësive që kaluan vitet e fundit, skuadra e Interit duket se është rikthyer në nivelet e larta dhe idetë e tyre mbi rindërtimin e skuadrës duken më të qarta se kurrë.
Pas afrimeve të Christian Eriksen, Ashley Young dhe Victor Moses gjatë merkatos së janarit, vëmendja te klubi zikaltër është rikthyer te rinovimet e lojtarëve aktualë.
Sami Handanoviç, kapitenit të Interit, pritet t’i ofrohet një kontratë e re, që do të zgjatej edhe për një vit tjetër. Kështu, me marrëveshjen e re portieri 35-vjeçar do të mbetej pjesë e klubit italian deri në verën e vitit 2022. Pavarësisht moshës, tek Interi mendojnë edhe t’i rritin pagën portierit.
Lojtari tjetër me të cilin duan të rinovojnë kontratën zikaltrit është Lautaro Martinez. Aktualisht ai ka një klauzolë që e lë të lirë për 111 milion euro. Synimi është që ajo shifër të rritet, ashtu sikurse edhe përfitimet e sulmuesi argjentinas.
