Ish-prokurori i Apelit të Tiranës, Gentian Trenova flet për pazare në veting. Në një status në rrjetet sociale, Trenova shprehet se politika ndikon në vendimet që jepen për njerëzit e drejtësisë, mendje përmend dhe një rast ryshfeti.
“Thashetheme nga vettingu. Kam disa kohe qe takoj koleg e ish koleg qe jane ne vetting. Jam cuditur nga historite qe me kane treguar. Mi kane thene me emra dhe me raste. Gjithsesi ato jane thashetheme. Mbase ndonje nuk eshte e vertete. Po ju tregoj disa prej tyre pa emra. Kane dale fjale qe cdo gje qe behet brenda merret vesh. Kush jane dhe cfare bejne keshilltaret dhe sesi i marrin porosite. Si behen listat e shorteve per vetting. Te gjithe takimet qe behen jashte institucionit neper skuta me deputet sigurisht qe nje pjese e tyre jane te raportuara”, shkruan Trenova.
“Madje ka dhe dy filmime nga sherbimet ku jane derguar para komisionereve. Ka edhe fjale qe njera ka qene e dashura e atij apo ketij. Kur eshte futur ne institucion eshte bere e dashura e nje tjetri aty. Kam degjuar qe kur marrin porosi serioze nga qeveria apo opozita i kalojne disa edhe pse ai i ONM rekomandon ndryshe. Por edhe keta te ONM nuk ngelin pas. Psh shoferi i njeres qe kaloi i paska derguar bakshishin atij te ONM qe ai te mos bente rekomandim per ankim. E plote te tjera kam degjuar. Nje here tjeter po tregoj te tjera”, e mbyll ai reagimin.
Gentian Trenova është shkarkuar nga detyra e prokurorit me vendim të formës së prerë nga institucionet e vetingut. Ish-prokurori i është drejtuar Gjykatës Europiane për të Drejtat e Njeriut në Strasburg, duke ankimuar vendimet e dhëna në Shqipëri.
Kujtojmë që Gentian Tërnova ka qenë dhe prokurori i parë i ‘Dosjes 184’.
