Gjykata e Rrethit Gjyqësor Fier ka dhënë sot masën e vlerësimit ndaj grupit të rrezikshëm të vjedhjeve të banesave në Cakran.
Ata janë kapur në flagrancë nga policia në një operacion të policisë i quajtur “Shëtitësit”.
Të katër këta persona kanë dalë sot para gjykatës për vlerësimin e masës së sigurisë. A.L 27 vjeç nga Vlora, E.D 31 vjeç nga Vlora, A.L 31 vjeç nga Vlora, dhe L.N 24 vjeç nga Frakulla.
Prokurorja Elida Hoxhaj ka kërkuar për të katër masën e sigurisë “arrest në burg” pa afat.
Gjyqtarja Marsela Dervishi ka dhënë vendimin për masë sigurie “arrest me burg” për të 4 të arrestuarit.
Të katër u arrestuan nga Policia e Fierit ditën e djeshme në një aksion për ndjekjen e tyre. Ata kishin kryer shumë vjedhje shtëpish duke plaçkitur para dhe sende me vlerë.
