Interi luan mbrëmjen e nesërme kundër Udinezes në transfertë.
Në lidhje me këtë ndeshje Antonio Conte, ka dalë në konferencën e zakonshme për shtyp ku ka folur për disa tema. Conte tha se është shumë i lumtur që tani në skuadër ka Christien Eriksen, ndërsa për objektivin titull deklaroi se do t’ia lë kohës.
Gjendja e skuadrës? “Skuadra është në një gjendje të mirë, jemi të lumtur për kalimin në gjysmë-finalen e Kupës së Italisë. Ne jemi stërvitur shumë mirë dhe jemi gati.”
Eriksen? “Ishte duke luajtur pak me Totenhemin, por unë e kam parë në një formë shumë të mirë. Ai sot hyn në ditën e katërt në stërvitje me ne dhe është duke e kuptuar stilin tonë të futbollit. Kemi biseduar shumë me të, për ta bërë të kuptojë se çfarë duam prej ti dhe ai e ka kuptuar menjëherë. Jemi të lumtur që e kemi në ekip, ai hyn tek mesfushorët me karakteristika të shkëlqyera. Eriksen ka cilësi të mëdha, vizion loje dhe mund të shënojë gola. Në sulm do të luajë një nga Sançez ose Espozito, për shkak të mungesës së Lautaros.”
Titulli? “Koha do ta tregojë nëse ne jemi një ekip të titullin kampion. Jam shumë I lumtur që kam mundësinë të punoj me këta lojtarë”.
