Bayerni i Munihut është rikthyer të jetë i frikshëm në kampionatin gjerman. Kampionët aktualë të Bundesligës gjermane, regjistrojnë pesë fitore radhazi në kampionat duke shënuar 20 gola me një mesatare të frikshme prej 4 golash për ndeshje.
Gjatë kësaj periudhe bavarezët e kanë reduktuar maksimalisht kryesimin e Leipzig, duke qenë vetëm 1 pikë larg kreut. Ditën e some, ora 15:30, Bayern-i luan në transfertën e Mainz-it, skuadër kjo që gjendet në vështirësi pas tre humbjeve radhazi.
Kampionët në fuqi do të kërkojnë fitoren e gjashtë radhazi e cila do të kishte vlera të shtuara, duke parë që po ditën e sotme, kryesuesit e Leipzig dhe vendi i tretë i Borussia Monchegladbach, përballen ndaj njëra-tjetrës, në orën 18:30.
Leipzig vjen pas humbjes kundër Eintracht Frankfurt ndërsa Monchegladbach në ndeshjen e fundit reagoi me një fitore kundër Mainz-it pas humbjes kundër Schalke 04, në ndeshjen paraardhëse.
Për tu rikthyer te Bayern-i, për skuadrën e drejtuar nga Hans-Dieter Flick, nuk do të jenë të pranishëm vetëm mungesat afatgjatë, ato të Kingsley Coman, Javi Martinez dhe Niklas Sule ndërsa pjesa tjetër do të jetë në dispozicion. Ndërsa Mainzi do të duhet të bëjnë pa Stefan Bell dhe Edimilson Fernandez.
Formacionet e mundshme:
Mainz: Zentner – Niakhate (c), Bruma, Hack – Brosinski, Baku, Kunde, Martin – Boetius – Quaison, Mateta
Bayern: Neuer (c) – Pavard, Boateng, Alaba, Davies – Kimmich, Goretzka – Gnabry, Müller, Perisic – Lewandowski
