Barcelona dhe Braga kanë arritur një marrëveshje për transferimin e Francisco Trincao, i cili do t’i bashkohet ekipit “blaugranas” më 1 korrik të 2020-s.
Shuma që klubi spanjoll do të derdhë në arkat e portugezëve është rreth 30 milionë euro, dhe 20-vjeçari do të nënshkruajë për 5 vite.
Trincao u formua si lojtar në akademinë e Bragës dhe debutimin me skuadrën e parë e bëri në fund të vitit 2018. Këtë sezon ai ka luajtur 22 ndeshje në të gjitha kompeticionet.
Të interesuar për portugezin, ishin disa nga klubet më të mëdha të Europës por Barcelona edhe për shkak të emergjencës në repartin sulmues u tregua më këmbëngulëse.
