Çështjen e Endrit Dokles do ta gjykojë gjyqtari Genti Shala, ndërkohë kjo është bërë në bazë të një shorti të hedhur në Gjykatën e Apelit.
Kujtojmë se Dokle është një nga anëtarët e bandës së Durrësit I cili është liruar me vendim gjykatëe edhe pse ishte dënuar me burgim të përjetshëm.
Prokuroria ka kërkuar kthimin e tij në qeli, pasi dënimi i përjetshëm i ishte konvertuar në 25 vite burg, dhe pas qëndrimit të 3/4 të dënimit pas hekurave, ai është liruar mga gjyqtarja e shkallës së parë Enkeleda Hoxha.
Në vendim thuhet se për lirimin e të dënuarit u morën parasysh një sërë faktorësh, ku për argument përdoren disa ndryshime ligjore në Kodin Penal, që sipas palës mbrojtëse të marrë parasysh edhe nga Gjykata, krijojnë hapësira dhe komplikime që rëndojnë mbi të pandehurin.
Gjithashtu janë përmendur edhe problemet e tij shëndetësore, sjelljet korrekte dhe shembullore në institucionin e vuajtes së dënimit, kryerja e një pjese të konsiderueshme sipas gjykatës të dënimit, por edhe gjendja shëndetësore e të atit të Dokles.
Nga ana tjetër, theksohet se Endrit Dokle ka shfaqur vazhdimisht pendesë për vrasjet e kryera ndërsa ka pranuar përgjegjësinë të angazhohet në një punë të ‘përhershme’ dhe ‘pozitive’.
Vendimi është marrë nga Gjykata e Krujës me kryesues: Enkeleida Hoxha, anëtar-sekretare Biandri Ahmesula.
