Rudina Magjistari dhe Ermal Mamaqi nisën një sherr virtual para dy vitesh. Gjithçka filloi në emisionin e Mamaqit, “Xing me Ermalin”, ku ishte e ftuar këngëtarja Tuna Sejdiu.
Në emisionin e tij, Ermali kishte një rubrikë të titulluar “Pyetja për Rudinën”, ku i pyeste të ftuarit nëse kishin dëshirë të shkonin në emisionin e pasdites në “Klan”. Pas kësaj pyetjeje, Tuna jo vetëm që nuk pranoi, por e argumentoi me tone tallëse, se nuk ka shkuar asnjëherë dhe do e shtyj këtë ftesë edhe për 10 apo 20 vitet e ardhshme të karrierës së saj.
Kjo intervistë është parë si një lloj ironie për emisionin e pasdites, ndaj Rudina nuk e la pa një përgjigje si Tunën, ashtu dhe Ermal Mamaqin.
Mirëpo, duket se gjërat mes tyre janë sqaruar dhe këtë e ka treguar postimi i fundit i Rudinës në InstaStory.
Mesa duket, Ermali e ka ftuar Rudinën të marrë pjesë në premierën e filmit të tij më të ri dhe ajo e ka pranuar. Postimi i fundit i Rudinës në Instastory tregon se gjërat mes tyre janë sqaruar dhe nuk i mbajnë më ironi njëri-tjetrit.
Ajo ka qenë e pranishme në premierën e filmit “I love Tropoja” të Ermal Mamaqit, dhe madje e ka ‘duartrokitur’ aktorin për projektin e tij të ri.
