Dy ditë më parë, Ermal Mamaqi mbajti premierën e filmit të tij më të ri të titulluar “I love Tropoja” në Pallatin e Kongreseve.
Tashmë filmi po jepet në orare të ndryshme gjatë ditës e duhet thënë se njerëzit mezi presin ta shohin. Ndërkohë një pjesë e kastit të filmit ishin të ftuar ditën e sotme në emisionin “Rudina” aty ku folën më shumë për personazhet e tyre në film edhe për premierën e së mërkurës.
Gjatë fjalës së tij, Ermali falenderoi Encën për profesionalizmin e saj, si edhe kryeministrin e vendit, Edi Rama. Për këtë të fundit producenti i filmit tha se kryeministri nuk kundërshtoi asnjë moment qoftë për pjesën e tekstit apo për oraret e zgjatura të xhirimeve.
Më pas ai e lavdëroi Edi Ramën për aktrimin e tij, dhe këtu ndërhyu Rudina Magjistari e cila u shpreh kështu për rolin e tij: “Ai ktheu komedinë në horror”.
Kujtojmë se kryeministri luan rolin e dajës në film, aty ku paraqitet me flokë të gjata dhe me sy të frikshëm, ndërkohë që me moderatoren Magjistari kanë bashkëjetuar për 7 vite.
Historia e Ramës dhe e Magjistarit ka qenë një nga më të komentuarat në shoëbizin shqiptar. Edhe për akuzat për dhunë që janë hedhur në drejtim të kryeministrit.
