Ish-deputetja e PD-së, Albana Vokshi, ka reaguar pas terheqjes së Rilindjes nga votimi i “Ligjit Antishpifje”.
Vokshi në reagimin e saj shprehet se sot fitoi fjala e lirë.
“Edi Rama u betua për javë me rradhë që do të votojë në parlament paketën e censurës kundër medias online. Nuk la njeri pa kapur, gur pa lëvizur, por dështoi. U tërhoq sot nga votimit pa i shkuar deri në fund nismës antikushtetuese, kundër të cilës kanë dalë kundër gazetarët, opozita, Komisioni Europian, Këshilli i Europës, OSBE-ja.
Stërbetimet se do të rrëzojnë dekretin e Presidentit që ktheu ligjin antikushtetues, përfunduan si propagandë boshe”, shkruan Vokshi.
Ish-deputetja thekson se kauza jonë e drejtë fitoi një betejë.
“Edi Rama nuk e kaloi ligjin që kërcënon gazetarët me burg dhe median online me mbyllje dhe gjoba.
Pushteti i Edi Ramës po shkërrmoqet dita ditës. Të gjithë bashkë, ne mund t’ia dalim të ruajmë liritë tona, lirinë e shprehjes, lirinë e votës, lirinë zgjedhjes”, thekson Vokshi.
