Presidenti Ilir Meta e konsideroi një hap pozitiv shtyrjen e votimit për paketën Antishpjfje.
Në një deklaratë për mediat, Meta e cilësoi reflektim që i shërben një qëllimi më të madh të përbashkët.
“Hap shumë pozitiv që e përshëndes se reflektimi i cili i shërben në cdo rast qëllimit më të madh të përbashkët. Eshtë pikërisht mbrojtja e të drejtave kushtetuese të qytetarëve shqiptarë dhe garantimi i standardeve demokratike. Nuk është humbje për askënd përkundrazi aq më tepër dihen shqetësimet mjaft serioze të ndërkombëtareve dhe ky është një moment pozitv”, tha ai.
Reagimi i Metes erdhi pas vendimit të Rilindjes për të shtyrë votimin e paketës anti-shpifje deri në shqyrtimin e saj nga Komisioni i Venecias.
