Kreu i Grupit Parlamentar Socialist Taulant Balla propozoi sot në Kuvend shtyrjen e votimit për dekrete e presidentit Ilir Meta për ligjet e medias, deri në momentin kur të shprehet Komisioni i Venecias.
“E mora fjalën për të informuar Kuvendin, që edhe pas miratimit të ‘paketës antishpifje’, ne kemi komunikuar me partnerë të rëndësishëm të Shqipërisë. Ne jemi anëtarë prej vitesh në Këshillin e Europës. Dua të ndaj me ju se me reporterët kemi qenë në komunikim të vazhdueshme për disa çështje dhe kemi vendosur që të kërkohet një opinion më i thelluar nga institucioni, që ne shqiptarët e kemi gjithëpranuar, jo vetëm ne, sikurse është Komisioni i Venecias. Dua t’ju informoj se sapo më ka ardhur komunikim nga Komisioni i Venecias. Komisioni i Venecias ka pranuar që ta shqyrtojë me procedurë të përshpejtuar në sesionin e 21 marsit. Votimi i dekretit për mediat audiovizive dhe diskutimi për të do të shtyhet deri sa Komisioni i Venecias të na sjellë raportin e vet, më 20-21 mars,” tha Balla.
Komisioni i Venecias do e shqyrtojë në datën 21 mars paketën e ashtuquajtur “antishpifje”, të çuar nga Këshilli i Europës pasi përbënte një kërcënim për median.
Por propozimi i Ballës, mori një replikë nga deputetja Rudina Hajdari e cila deklaroi se në Kuvend duhet të vazhdojnë diskutimet për dekretet e Metës.
Ndërkohë, Balla u shpreh se nuk e kuptonte këtë qëndrim nga ana e opozitës së re.
Në lidhje me votimin sot në Kuvend të paketës antishpifje reagoi dhe raporteri për Shqipërinë në Grupin PPE të Parlamentit Europian, David Lega, i cili tha se ndihet i shqetësuar pasi është problematike për zhvillimet demokratike si dhe për negociatat e antarësimit në të ardhmen.
Lidhur me këtë tërheqje të mazhorancës nga mazhoranca reagoi dhe presidenti Ilir Meta, i cili e konsideroi një hap pozitiv dhe reflektim që i shërben një qëllimi më të madh të përbashkët.
Rilindja u tërhoq nga votimi i “Antishpifjes”/ Meta: Hap pozitiv
Paketa anti-shpifje/ Raporteri i KE: Demokracia në rrezik, integrimin në BE ….
