Një 22-vjeçar është arrestuar këtë të mërkure nga efektivët e komisariatit numër 5 në Kamëz, i akuzuar se ka abuzuar seksualisht me një vajzë të mitur.
Burime policore thanë se ka qenë e mitura e cila në prani të prindërve dhe një psikologeje ka bërë kallëzim në komisariatin numër 5. Në kallëzimin e saj para uniformave blu, e mitura ka deklaruar se është abuzuar seksualisht nga A.D. dhe pasi ngjarjen ia ka rrëfyer prindërve, është paraqitur në polici.
Pas denoncimit, policia nisi hetimet dhe ndaluan autorin e dyshuar të ngjarjes. Ky i fundit mësohet se ka mohuar autorësinë e krimit.
Ndërkaq, hetimet janë në vijim për zbardhen e ngjarjes.
“Specialistët për hetimin e krimit në Komisariatin nr 5, kanë kryer arrestimin në flagrance të shtetasit, A.D, 22 vjeç, banues ne fshatin Resk, Kukës, pasi dyshohet se ka kryer marrëdhënie seksuale jashtë dëshirës se saj, me një shtetase të mitur. Materialet i kaluan për veprime të mëtejshme Prokurorisë së Rrethit Gjyqësor Tiranë, për veprën penale ‘Marrëdhënie seksuale ose homoseksuale me të mitur'”, njoftoi Policia e Tiranës.
