Tërmeti është një dukuri natyrore e cila nuk mund të parashikohet dhe shkakton panik e ankth tek të gjithë. Gjëja më e mirë që mund të bëjmë në raste të tilla është të ruajmë qetësinë dhe të mos vrapojmë për të dalë jashtë ndërtesës pasi është një veprim jo i sigurtë dhe mund të rezultojë fatal.
Njerëzit janë të ndryshëm dhe detyrimisht do të veprojnë në mënya të ndryshme kur përballen me dukuri të tilla natyrore. Në rrjet kanë qarkulluar video të ndryshme tek shihen gazetarë si: Sonila Meço, Sokol Balla apo Blendi Fevziu që e menaxhuan mjaft mirë këtë situatë teksa ishin në transmetim të drejtpërdrejtë.
Nga ana tjetër, kemi Bora Zemanin dhe vëllezërit Veshaj, teksa po xhironin bie një tërmet që i panikos dhe ikin me vrap. Video është publikuar nga Bora Zemani dhe ka shkaktuar të qeshura pa fund.
“E kemi kapur edhe ne nje termet ne studio! Nuk jemi aspak krenar per reagimin krahasuar me gjithe emisionet qe e kane perjetuar live pooor gjithsesi jemi si shumica e videove te njerezve te thjeshte qe dalin me vrap nga lokalet. Ruani qetesine njerez, mos beni si ne!”-shkruante Bora krahas videos.
