Situata i ka dalë nga kontrolli, Simeone mendon divorcin pas nëntë vitesh me Atletico Madrid

Vijnë lajme të reja lidhur me stolin e Atletikos së Madridit. Në fund të këtij sezonit, mund të vijë lamtumira e trajnerit Diego Simeone. Gjatë kësaj periudhe, “Cholo” po reflekton rreth të ardhmes së tij.

Sipas asaj që raportojnë mediat spanjolle, një vendim përfundimtar pritet të dalë në muajt mars-prill, pasi trajneri argjentinas ndjen se cikli i tij me skuadrën madrilene ka ardhur drejt fundit.

LEXO EDHE  Champions/ Mbyllet raundi i 1/16-ve, zbuloni çiftet çerekfinaliste

Simeone e ka marrë drejtimin e Atletikos së Madridit në vitin 2011 dhe në këtë periudhë ka fituar një titull kampion në Spanjë, një superupë dhe një kupë të Spanjës. Ka fituar dy herë Europa League dhe po kaq herë Superkupën e Europës.