Kupa e Italisë/ Milani pret në çerekfinale “të plagosurit” e Torinos

Milani luan mbrëmjen e sotme, ora 20:45 kundër Torinos, ndeshje e vlefshme kjo për çerekfinalet e Kupës së Italisë.

Pasi mundën 3-0 Spal-in në raundin 1/16-ve, kuqezinjtë kanë mundësinë arrijnë në katër skuadrat finaliste për herë të katërt në pesë sezonet e fundit.

Për këtë ndeshje Pioli ka deklaruar se do të bëjë disa ndryshime për t’i dhënë mundësinë futbollistëve me ngarkesë të tepërt të rikuperohen plotësisht.

Për Milanin nuk do të jenë në dispozicion, Leo Duarte, Lucas Biglia dhe Davide Calabria, për arsye dëmtimi më herët gjatë muajit.

LEXO EDHE  Carabao Cup/ Havertz bën tripletë në kualifikimin e Chelsea, Arsenali eliminon Leicester

Ndërsa nga ana tjetër Torino vjen pas një turpërimi në shtëpi nga Atalanta me rezultatin 0-7. Kështu që nga ana e skuadrës pritet një reagim i fortë, ku avancimi në gjysmëfinale do të ishte mënyra më e mirë për t’iu përgjigjur humbjes së thellë në kampionat.

Formacionet e mundshme:

Milan (4-4-2): Begovic; Conti, Musacchio, Romangoli, Hernandez; Castillejo, Krunic, Bennacer, Bonaventura; Piatek, Rebic.

Torino (3-4-1-2): ​Sirigu; Bremer, Djidji, Bonifazi; Aina, Rincon, Lukic, Laxalt; Berenguer, Verdi; Belotti.