Teuta arriti të triumfojë të mërkurën me rezultatin 1-0 ndaj Partizanit në “Niko Dovana”, duke e futur klubin kryeqytetas në krizë të thellë.
Kjo sfidë ishte shumë e kontestuar, për shkak të disa vendimeve të arbitrit kryesor.
Duke parë humbjen e Partizanit, zv. kryeministri i Shqipërisë, Erion Braçe, reagoi në profilin e tij në “Instagram” i cili pati kontestime për mënyrën se si arbitri gjykoi ndeshjen.
I menjëhershëm, ka qenë reagimi i talentit të Teutës, Sherif Kallaku, i cili në Instagramin e tij zyrtar, shkroi:
“Këto ditë nuk kemi qenë të qetë në fushë… Në çdo hap, në çdo pasim, në çdo goditje topi, mendja dhe zemra kanë qenë te miqtë e mi në Bubq, që tërmeti i 26 nëntorit i la pa shtëpi…”.
“Po kur shikoj zv. kryeministrin e vendit tim që në këto kohë të dhimbshme gjen kohë të merret me “padrejtësitë” e me pikët e Partizanit, ndjej dyfish më shumë dhimbje jo vetëm për miqtë e mi në Bubq, por për të gjithë shqiptarët…”.
