Hysen Memolla është zyrtarizuar si lojtari i i ri i Dyosgorit, që ndryshe njihet shkurtimisht si DVTK. Lojtari i Kombëtares është prezantuar ditën e sotme me ekipin e tij të ri, ku ka pozuar me fanellën e klubit hungarez, si dhe ka dhënë përshtypjet e para mbi këtë aventurë.
Memolla së fundmi ishte aktivizuar në Finlandë me KPV, me të cilët shënoi 3 gola në 8 ndeshje aktivizim. 27-vjeçari ka qenë shpeshherë pjesë e Kombëtares në dy vitet e fundit, që nga koha kur bëri debutimin në miqësoren përballë Ukrainës qershorin e vitit të shkuar.
Memolla nuk do të jetë i vetmi shqiptar në ekipin e DVTK, pasi aty do të gjejë edhe mesfushorin e Kosovës, Florent Hasanin, i cili është pjesë e rëndësishme e ekipit hungarez.
