Korça u trondit mëngjesin e sotëm nga një ngjarje e rëndë, pasi shtetasi Flamur Duçi u gjet i pajetë pranë lokalit të tij në fshatin Mborje.
Atij iu bë një atentat, pasi në trup kishte plagë të shkaktuara me thikë dhe të djegura në trup. Por rrethanat e kësaj ngjarjeje mbeten ende enigmë.
Familjarët dhe fqinjë të Flamur Ducit kanë ngritur dyshime se ai mund të jetë vrarë nga familjarët e ish-gruas së tij me të cilën ishte ndarë dhe kishte dy vajza.
“Ata ia kanë bërë. Gruaja është në Francë. Nuk i pëlqenin shqiptarët. Çfarë i kanë bërë. Ata e kanë bërë me nge, e kanë çarë me thika e kanë djegur. I vuajtur tërë jetën, çfarë i kanë bërë. Në 6 të mëngjesit ia kishin bërë. Ai ishte jashtë marketit trupit. Ça do i grabisnin, çfarë lekësh kishte ai, ku t’i gjente lekët. Kuptohet ajo punë hasmërie është, përderisa e kanë djegur”, – shprehen fqinjët.
Policia, ende nuk ka rënë në gjurmët e autorëve të krimit, ndërsa po heton në pistën e grabitjes, por edhe të konflikteve brenda familjes.
Ngjarja në Korçë/ “Kush e vrau”, Motra shpërthen në lot për të vëllain (VIDEO)
