Tre organizata të dyshuara për trafik droge janë shkatërruar nga Policia e Torontos. Organizatat dyshohet se trafikonin lëndë narkotike si kokainë, heroinë e kanabis nga Shqipëria dhe Holanda, për tu hedhur në treg nga provincat e Brindisit, Leçes dhe Tarantos.
Prokuroria italiane lëshoi gjithsej 12 urdhër-arreste, për 3 italianë e për 9 shqiptarë. Operacioni nisi me sekuestrimin e një sërë armësh dhe municionesh.
Hetimet treguan se shqiptarët e italianët kryenin aktivitet ilegal në rrethet Tamburi, Paolo VI dhe Salinella të Tarantos, shkruajnë mediat italiane.
Të arrestuarit do të dërgohen në gjyq, ku pritet të përgjigjen për një sërë veprash penale si pjesëmarrja në organizatë kriminale, trafiku i armëve, si dhe trafiku ndërkombëtar i drogës.
