Robert Lewandowski është padyshim një nga sulmuesit më të mirë në botë, dhe numrat që po vendos për sa i përket golave të shënuara këtë sezon janë të jashtëzakonshme.
Sulmuesi i Bayern-it, me golin e shënuar ditën e djeshme ndaj Freiburg arrin në shifrën e 30 golave sezonal.
Me këtë shifër, Lewandowski, lë prapa dhe Messin me Ronaldon të mbledhur bashkë, ku Messi deri më tani ka shënuar 14 gola, ndërsa Ronaldo 12 gola.
I vetmi që mund t’i afrohet Lewandowskit midis golashënuesve të pesë kampionateve të mëdha europiane është Timo Werner. Ai ka shënuar 23 gola. Në podium ngjitet edhe Immobile, me 19 gola.
Me këto ritme Lewandowski projektohet të arrijë mbi 60 gola në fundin e sezonit diçka që e kanë bërë vetëm Cristiano Ronaldo dhe Lionel Messi në dy raste.
Por jo vetëm kaq, në katër sezonet e fundit, polaku, ka shënuar mbi 40 gola në sezon, ndërsa rekordin e ka 43 gola në sezonin 2016-2017, diçka që pritet ta thyejë lehtësisht me këto ritme.
