Pakënaqësitë e Real Madridit me sistemin VAR, u shtuan mbrëmjen e djeshme, pasi klubi pretendon se iu mohuan dy penallti ndaj Barcelonës.
Më herët gjatë javës “Marca” bëri të ditur se te Reali ishin të shqetësuar për caktimin e Alejandro Hernandez Hernandez si gjyqtar të takimit, dhe dyshimet e tyre u provuan në ndeshje.
“VAR-i nuk shkon në favorin tonë, është aty vetëm për të na anuluar golat”, – ka deklaruar klubi.
Shqetësimet e Real Madrid do të raportohen në Federatën Spanjolle të Futbollit (RFEF), por sipas “Marcas”, klubi nuk beson që ky trend do të ndryshojë së shpejti.
