Ditën e sotme, pritet të mësohet emri i drejtuesit të Prokurorisë së Posaçme Anti-korrupsion. Fituesi do të zgjidhet mes Altin Dumanit, Arbën Krajës dhe Edvin Kondilit.
Këshilli i Lartë i Prokurorisë ka njoftuar se këtë të enjte do të zhvillojë mbledhjen e radhës, ku parashikohet të zgjidhet edhe drejtuesi i SPAK.
Mbledhja nis në orën 13:30 dhe parashikohet të zgjasë 1 orë. Të ftuar janë përfaqësues nga Ministria e Drejtësisë, EURALIUS, OPDAT si dhe vëzhgues tё tjerë tё akredituar, bën me dije KLP. Tre kandidatët për kreun e SPAK, Dumani, Kraja dhe Kondili shpalosën dje në KLP platformat e tyre për drejtimin e SPAK.
Ndërkohë, po këtë të enjte, 8 anëtarët e SPAK janë betuar te Presidenti Ilir Meta.
Përveç zgjedhjes së drejtuesit të SPAK, në rendin e ditës të mbledhjes së Këshillit të Lartë të Prokurorisë janë caktuar edhe të tjera çështje.
