David Lega, reporter i Parlamentit Europian për Shqipërinë nga grupi parlamentar PPE ka deklaruar se Shqipëria rrezikon seriozisht të mos hapë negociatat nëse parlamenti kalon ligjin censurë për mediat të qeverisë Rama.
“Grupi PPE në Parlamentin Evropian beson fuqimisht në hapjen e negociatave të anëtarësimit në BE me Shqipërinë. Sidoqoftë, Shqipëria duhet të pajtohet me kriteret e Kopenhagenit, që janë standardi bazë dhe minimumi për një vend kandidat”, shprehet Lega.
“Nëse administrata Rama miraton legjislacionin e medias në formën aktuale në seancën, ajo do të rrezikojë seriozisht shanset për hapjen e negociatave për anëtarësim në BE. Ata duhet të jenë në përputhje me rekomandimet e lëshuara nga Komisioni Evropian dhe Këshilli i Evropës”, shkruan në një postim në Twitter suedezi i Partisë Kristiandemokrate.
