Kryetari Këshillit Kombëtar të PD-së, Bujar Nishani ka bërë thirrje për “solidaritet në mbrojtje të lirisë së fituar me sakrifica!”, në lidhje me protestën e gazetarë për paketën e censurës së medias nga qeveria.
Nëpërmjet një postimi në Facebook, Nishani nënvizon më tej se “Çmenduria e rìlindsit të korruptuar dhe bashkëpunëtor i krimit të organizuar nuk ka e nuk do të ketë kufi deri ditën që do t’i japim atë që meriton!”
Postimi:
Solidaritet në mbrojtje të lirisë së fituar me sakrifica !
Çmenduria e rìlindsit të korruptuar dhe bashkëpuntor i krimit të organizuar nuk ka e nuk do të ketë kufi deri ditën që do t’i japim atë që meriton !
#tëringremëshqipërinë🇦🇱
Kujtojmë se para pak minutash ka nisur, gazetarë dhe aktivistë të shoqërisë civile janë mbledhur para Kuvendit të Republikës për të protestuar kundra paketës ligjore të censurës së medias nga qeveria, e cila pritet të miratohet në seancën e sotme plenare që fillon në orën 10:00.
Shoqatat e gazetarëve dhe shoqërisë civile kundërshtojnë këtë paketë me pretendimin se ajo nuk i jep zgjidhje lajmeve të rreme dhe shpifjeve, siç pretendon qeveria, por është përpjekje për të kapur median online.
