Gazetari shqiptar i Le Iene, Taulant Kopliku, më së shumti u bë i njohur me historinë e djaloshit Alvin Berisha i cili u shpëtua nga kampi famëkeq i Al Hol në Siri.
Së fundmi, Kopliku, u është bashkuar zërave kundër mbi paketën e censurës të qeverisë së Edi Ramës, që pritet të miratohet në seancën e sotme në Kuvend.
Kjo paketë ligjore parashikon vendosjen e gjobave të majme ndaj medias online, si dhe veshjen e AMA-s me kompetenca gjyqësore. Prej një ligji të tillë rrezikohet media pasi cënohet liria e fjalës, dhe ky projektligj është kritikuar ashpër nga gazetarë por edhe ndërkombëtarët.
Gazetari Taulant Kopliku ka risjellë në vëmendje grevën e ndërmarrë nga Pjetër Arbnori, në mbrojtje të fjalës së lirë, teksa u ngujua në një zyrë të Kuvendit, duke shprehur se ky gjest i tij është një udhërrëfyes i mirë për të gjithë gazetarët shqiptarë.
POSTIMI I PLOTË I KOPLIKUT:
Pjeter Arbnori hyri ne greve urie i vetem ne nje zyre te parlamentit per te mbrojtur lirine e fjales. Ata qe e njohin kete histori e dine shume mire se kjo nisem individuale e Mandeles shqiptar, ka qene ndoshta e vetmja greve e vertete urie, ne te cilen Arbnori rrezikoi seriozisht jeten.
Ky akt ekstrem vetesakrifikimi eshte ndoshta nje udherrefyes per te gjithe gazetaret e ketij vendi. Nje shembull sesi problemi i paketes famekeqe antishpifje nuk zgjidhet as me peticione e as me postime ne fb por me aksion te mireorganizuat dhe me sakrifica individuale.
Problemi eshte a jane te gatshem te pozicionohen ajo shumice kolegesh qe (megjithe respektin), jane aq te frustruar nga oligarkia qe drejton mediat kryesore, saqe edhe per tu organizuar ne nje situate te tille dramatike per te ardhmen e fjales se tyre, me perpara duhet te testojne humorin e pronarit.
Kujtojmë se gazetarët, aktivistët dhe analistë, mbështetur dhe nga opozitarët, do të zhvillojnë paraditen e sotme një protestë kundër kësaj pakete të kryeministrit Rama. Protesta pritet të nisë në orën 09:30, para Parlamentit, aty ku deputetët do të zhvillojnë në orën 10:00 seancën plenare, ku në rend dite është edhe votimi i kësaj pakete.
