Nisin intervistat e KLP me kandidatet për drejtues të SPAK. Altin Dumani ishte kandidati i parë.
“Më mirë 10 të fajshëm në liri se të dënohet një i pafajshëm”, tha Dumani, duke shtuar se synimi i tij ishte që të ndëshkohen të gjithë ata që shkelin ligjin dhe të shuhet kultura e pandëshkueshmërisë, pavarësisht nga posti i personit që kryen vepër penale.
Kreu i KLP Ibrahimi: Do të isha interesuar për idenë tuaj për strukturën e SPAK.
Kandidati për kreun e SPAK Altin Dumani: Ligji e ka rregulluar strukturën e SPAK dhe akti i parë është rregullorja e funksionimit te SPAK. Duket organizuar puna sipas specializimeve që kanë prokurorët. Duhet emëruar drejtuesi i BKH sa me parë. SPAK do te synoje te ketë ne administratën e saj njerëz profesionist, me integritet te lartë. Kjo prokurori do godas paligjshmërinë. Do bëjë të mundur një Shqipëri që kush shkel ligjin do të dënohet. Fokus i veçantë do jetë bashkëpunimi me qytetarët. Dështimi i Prokurorisë së Posaçme nuk do të jetë asnjëherë një vizion.
SPAK përbëhet nga dy struktura, Prokuroria e Posaçme dhe BKH. Prokuroria e Posaçme ka parashikuar disa nën sektorë që do ndihmojnë. Detyra e parë si drejtues i SPAK, do jetë nxjerrja e një akti për punën, për dosjet dhe studimi i tyre, për të parandaluar shuarjen e masave të sigurimit.
Në Prokurorinë Posaçme, prokurorët duhet të ndahen në dy pjesë, seksioni për krimin e organizuar dhe seksioni për korrupsionin. Në vijim, zgjedhja e drejtuesit të Byrosë Kombëtare të Hetimit. Pa këtë të fundit ne nuk mund të funksionojmë. Pas zgjedhjes së kreut të BKH, fokusi do të kaloj te zgjedhja e pjesëtarëve të BKH.
BKH duhet të ketë njerëz me integritet të mirë moral. Për këtë duhet joshje, dhe është pikërisht paga për të thithur në Prokurorinë e Posaçme, ekspertët më të mirë. Na është premtuar se kategoria e pagave do jetë në nivel të kënaqshëm. Unë do mëshoj shumë për të gjetur ekspertë të motivuar, që duan të punojnë e nuk kanë parësore anën financiare. Ta shohin këtë institucion si parësor. Ky vend ka njerëz të tillë, shpresojmë të thithim këtë kategori.
Anëtare e KLP Nurihan Seiti: SPAK është maja e karrierës së çdo prokurori. Ju keni investuar për veten tuaj për të përçuar cilësitë tuaj tek kolegët, tek publiku?
Dumani: Lidershipi i SPAK do krijojë frymën në gjithë institucionin. Punoj në grup, gjithë energjitë e mia për të nxitur dhe mbështetur punën në grup.
Seiti: Keni investuar në veten tuaj si faktor bashkëpunimi dhe vetëbesimi për t’i përçuar te publiku?
Dumani: Kam investuar 20 vite në Prokurori për të dhënë kontributin tim, kam vënë në dispozicion të gjithë fuqinë time. Asnjëherë nuk kam braktisur grupin dhe kam cilësitë e duhura dhe frymën profesionale për të mbështetur.
Anëtar i KLP Sandër Beci: Cilat janë pikat e forta dhe të dobëta tuajat?
Dumani: Kam vlerësim për dy kandidatët tjerë. Pavarësisht rezultatit të garës, ne nuk do kemi krisje. Vetëm në këtë mënyrë do mbushen objektivat. Pika ime e fortë besoj se është eksperienca e pasur në 20 vite. Për shkak të funksionin kanë kaluar mbi 4 apo 5 mijë dosje me të gjitha llojet e veprave penale. Për shkak të kësaj eksperience kam fituar profesionalizmin e duhur.
Beci: Jemi para ngritjes se një strukture të re, e pa ngjashme me asnjë tjetër në sistemin e drejtësisë. Pikat e forta dhe të dobëta që ia njehni vetes në raport me kandidatë të tjerë?
Dumani: Vlerësoj në maksimum të dy koleget që kandidojnë. Besoj se pika ime e fortë është eksperienca e pasur 20-vjeçare në luftën kundër krimit të organizuar. Kam kaluar mbi 4.000 dosje ku jam përballur me gjithë ngjarjet e mundshme në gjithë territorit. Karriera ime është fokusuar në luftën kundër krimit organizuar, kam demonstruar këtë, kam qenë drejtues te Krimet e Rënda. Kam drejtuar grupe, hetime duke arritur të zbardhim çështje të rëndësishme. Çmoj në ne grup dhe vlerësoj mendimet dhe punën e kolegeve të mi. Kam organizuar shume agjenci zbatimi të ligjit për kufjen kundër krimit të organizuar. Këmbëngulja ime për ti shkuar gjërave deri në fund pavarësisht vështirësive dhe ngarkesave. E kam edhe unë një pikë të dobët, menaxhimi i kohës. Fokusohem shumë dhe e harroj elementin kohë, që ndikon dhe provohen familja dhe kolegët.
Ibrahimi: Si do të pajtoni ju detyra tuaj me kërkesat e publikut për transparencë në institucionin që ju mund ta drejtoni?
Dumani: Në vizionin tim kam shprehur mendimin tim për marrëdhëniet me publikun, ne faqen e SPAK do të ketë një akses për ankesat nga publiku. Puna e SPAK do të jetë në qendër të vëmendjes së medias dhe publikut.
Besnik Cani: Mandati drejtuesit është 3-vjeçar. Si do ta dorëzoni pas këtyre viteve ketë strukturë?
Dumani: Unë besoj fort se pas 3 vite ky vend do të ketë një strukturë funksionale me rezultate të prekshme.
Pyetje nga komuniteti ndërkombëtar: Drejtuesi i SPAK u cakton dosje prokurorëve të SPAK sipas specializimeve të tyre. Si do ta ushtroni ju këtë kompetencë?
Dumani: Në planin tim e kam parashikuar këtë mënyre. Drejtuesi do të udhëzoje shpërndarjen e çështjes jo në mënyrë të barabarte, por sipas specializimit të prokurorit. Nuk jam për të shmangur shortin, të gjithë janë të motivuar për të kryer detyrën e tyre. Do te jem si roje për të parë përmbushjen e detyrimeve, duke respektuar pavarësinë e tyre. Unë mendoj se pavarësia duhet të lidhet me përngjashmërinë. Parimi është që çështjet të ndahen me short për secilin prokuror.
Michell Lacomy, OPDAT: Cila është mënyra më e mirë për të inkurajuar bashkëpunimin midis prokuroreve të SPAK?
Dumani: Në kulturën time e drejtimit, ky ka qene qëllimi im kryesor, ti bëj prokurorët të ndihen pjese e çështjes në çdo etape të saj.
